French (Fr)English (United Kingdom)Bichelamar (Vanuatu)
Yu stap lo plesia: Accueil Culture Dei blong Frankofoni 2010 : Wanem activiti bae i tekem ples long Alliance française ?
Dei blong Frankofoni 2010 : Wanem activiti bae i tekem ples long Alliance française ?

francophonie vanuatu


             




          francosonik

Dei blong Frankofoni 2010 : Wanem activiti bae i tekem ples long Alliance française ?

Long yia ia, Alliance française i stap oganaesem  sam activiti we i deferen lelbet long ol yia we i pass. Long sam aelan, Alliance Française i help long saed blong mani mo blong oganaesem ol activiti long ol shull o komiunti. Long ol area we i gat branj blong Alliance Française, olgeta tu bae oli selebretem dei blong Frankofoni. Olsem long Santo mo Tanna, bae i gat sam concet, competisen mo ol spot tunamen.
 
Long Port-Vila, Alliance française i oganaesem wan conference we Docta Christiane Terrier bae hemi i presentem.  Topic blong conference ia hemi : « Vanuatu, New-Calédonia, Franis Polinesia mo  Wallis mo Futuna o ova long 200 yia blong wan comon franckofon histori long Oceania ». Long Wenesdei namba 17 maj long 6:00 klok long aftenun, public i save kam long Alliance Française. Narafala conference bae I stap long Lycée LAB mo hemi blong ol student blong DAEU.

Long Fraedei namba 19 maj, bae hemi namba 5 edisen blong  FrancoSonik  long Alliance française! Stat long 5:00 klok long aftenun public i save kam long car park blong Alliance blong sherem wan glas waen o kava wetem laplap mo tradisenel “veau à la broche”. Long infomesen blong yu, kakae mo concert hemi fri wetem fes baket blong kava.…
Long fes pat blong concert bae I gat stringban, sam « slam » blong DAEU mo hip hop grup blong Gensis. Long second pat, bae I gat wan grup blong ol yafala blong Lifou, olgeta « Rootsky » we bae oli kam wetem help blong aelan province blong New-Caledonia. Bae oli givim aout sam reggae, kaneka music mo plante mo…
FrancoSonik hemi givim janis ia bakegen blong soemaot se Vanuatu hemi rij long ol lanuis mo culture blong hem.

Ol activiti ia i tekem ples wetem help blong plante institusen, assosiesen mo Ministry blong Educasen mo francofoni. Topic blong yia ia hemi: Francophonie des îles, Frankofoni blong aelan.

Alliance française i talem bigfalal tankio from sapot I go long Embesi blong Franis, Delegesen blong European Union, Layaute aelan province blong New-Caledonia, ANZ, Intraco, la Brasserie du Vanuatu mo René Laurent.